Дидедин суьрет

Вахтар физва, чун жез ч?ехи,
Са девирда аялар тир.
Азиз диде, кьил тир рехи,
Чун ви рик?ин хиялар тир.

Къе заз а ви гуьзел суьрет,
Лув гуз физвай циферикай;
Малаикрин галаз к?ерет?,
Карагзава вилерикай.

И дуьньядин гьар са нямет,
Ваз к?андай чаз хьана, диде.
Вун себеб яз бахтлу кьисмет,
Заз Аллагьди гана, Диде.

Диде, диде, ширин диде,
Мез вирт, акьул дерин диде!
Вил галама акунихъ мад,
Ви милаим хъуьруьн, диде.

Диде-Сад я, Сад я Аллагь!
Диде-багьа кас я, Валлагь!
Лугьузва заз даим рик?и,
Дидедикай манияр лагь!