Диде

Багъишайди и дуьньядин наметар,
Алхишайди шад уьмуьрни,кьисметар,
Дадмишайди балайрин дерт,хифетар,
Тек са вун я,чан ширин,масан диде.

Пуч авурди бала патал жегьил чан,
Нуш авурди безетмишай багъ-бустан,
Хуш авурди бахтавар уьмуьр,девран,
Тек са вун я,чан ширин,масан диде.

Йикъан кьарай,йифен ахвар хайиди,
Уьмуьрдин рехъ кикералди цайиди,
Вилериз экв,рик/ериз чим гайиди,
Тек са вун я,чан ширин,масан диде.