Игит хва

(Афгъан дяведа телеф хьайи Абдул Саидоваз бахшнава)

Хци зигьин,къастар ч|ехи,
Рик|еваз на къачузвай кам.
Аскервилин пак тир буржи,
Вахтар хьана ийир тамам.

Дидед вилел накъвар алаз,
Хва аскердиз твазва рекье.
-Дуьнья секин вахтарни яз,
вучиз шезва вун чан диде?

И суалдиз хци гайи ,
Жагъидачир белки жаваб.
Афгъанистан чилел хьайи,
Дяведа хва хьана кабаб.

Агъзуралди дагъдин картар,
Дурнаяр хьиз гьатна рекье.
Чи Абдулни мад рухваяр,
Дуствал хуьнуьх аваз рик|е.

Кьилелай къваз хар хьиз гуьлле,
Уьтквем хвайри гузва дурум.
Ватандин кьин аваз рик|е,
Гьекь алахьиз курум-курум.

Цав рахана,чил хьана пад,
Бирдан япар хьана биши.
Гуьллед хура жез-жез къатад,
Чан гана чи кьегьал хци.

Гьайиф хьанач гьич вичин чан,
Стха уьлкве ийиз азад.
Рик|елай фич Афгъанистан,
Чи рухвайриз хьайи инад.

Акъваз хьана гуьллейрин хар,
Фена Абдул ахвариз.
Жегьил чанда авай къастар,
Агакьнач ам ахъайиз.

Сел хьиз атай ч|улав хабар,
Кьабулна лап заландиз.
Игитвилин гайила т|вар,
Хкана хва ватандиз.

Кьегьал хцин экуь къамат,
Амукьда чи рик|ера.
Игитвални адан къудрат,
Эзбер жеда мецера.