Атана

Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

Ади гьал я гила девлетлубуруз руш гунугар,
Кьуьзуь "дед"риз физава пул аватlа,лап "внук"ар.
Къайгъу туш гъуьл бубадилайни кьуьзуь яз хьуникай,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.


Кlелай университетар,илим,сават масда амач,
Дегиш хьанва жегьиларни,михьи,саф къастlар амач.
Пул тlимил тир гадаяр мад руша касдай кьазамач,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

Иски девран цlвена атанва и девран чкадал,
Нелла тахсир хьи атанва пехъи девран чкадал?
Бежягъат мадни хкведа фейи девран чкадал,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

Пул авайдаз ахъа я дуьняда къе гьар са рикин,
Тек акьул бес жезавач кьаз кlанидаз кар,са рикlин,
Пул хьайитlа фида ви гьар са кlвалах лапни йигин,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

Кlан хьунукай рахамир,ашкъидин анжах тlвар ава.
Гила "расчёт" я рушанди,кьиле зарбаф,зар ава.
Кьуьзуь хьуй тlун "кlаниди",арада пулдин кар ава,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

На лагьайтlа рушариз а,ава къийметлу са затl-
Ваъ,авач я са акьул,я са илим,яни сават.
"Жеда заз бес зи ийервал,"-ава луз назлу тават...
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

Жегьиларни акваз-аквазни чи дегиш жезава,
Жагъуриз руш бубадин,"квай са вичик кьиш"-жезава.
Мертвилин тlвар ама са,адивилер гьич жезава,
Хьуй аян,Мешти Ибат,ваз такур аям атана,
Вал хъуьрез тир вири эллер-хъия айгьам атана.

За лугьузвач хьи акьуллу рухваяр мад чахъ авач,
Гьакlни исметлу рушар,цуьк балаяр мад чахъ авач.
Гьакlни вири чlехибур сад я лугьуз кьин кьазавач...
Къе са "сигнал" я за гузвайди хьи:аям атана-
Акl тахьурай чи чинизни пака айгьам атана!
20.07.2021 г.