Мягьтелна зун хабарди

Шагьвар къугъваз къавахрин тик хилера-
Яд такурдаз аквадач и кьакьанвал.
Мад хажалат гьатнава зи гьисера.
Са чlавузни ажуз къамир инсанвал.

Зун цуькверал, экуьн яр хьиз алукьнай,
Кинар ийиз, ашукь хьана амукьнай.
Суван мет1ел са жейран хьиз, ацукьнай.
Зун рикlивай хьанай гуьзел гьейран вал.

Варзни къугъваз ашукь тир ви киферал.
Вучиз гьатнай чи гьисер и кlевера?
Зуьгьре гъед хьиз вун алай зи вилерал.
Дамахдизни уьтквенва яр масанвал.

-Гъил къачу,-заз лугьузва хьи зи ярди.
Мягьтелна зун ван хьайи и хабарди.
Квахьна кьарай, квахьнава зи ахварни.
Акуначир заз инсандин нукьсанвал.