Бlаргашка латта хий

Гарга теннад коре седкъий кема,
Човхаденнад экаме хинна дог.
Лар ца йуташ дlабахаб хьа безам,
Чоалтассад укх бетто аьра ког.

Наца кхерам, кlерам боаг са низткъа,
Хьайна а наха а воацаш витар со.
Деха дог хьеж бlара тахан биркъа,
Тешам боацаш къежа вела со.

Дlа хlана теттар со, сел къизи хеташ,
Аз фу даьдар, мала вийнав?
Лира гlайгlа йа сох тахан кхеташ,
Кхаьлла денош а кхийтад.

Кхерам бац хьона тахан дег чура лувр,
Бlаргашка тахан саца латта хий.
Эзар шу йаха мегашйа са нувр ,
Йухаметта оттаргдац-кх хьа сий.

Гlермане, 1 Муттхьала бетта 2011 шу