Гlямру сен гьалаклирав?

Гъагултачи хlерикlес,
Зубартас лугlи бирхьес,
Гlямру сен гьалаклирав?
Дигхlейгив багьлабарес?!

Гlурра дила шалати,
Дубуртачи чарухъес.
Кассили диштlа гъяйми,
Дяхlилизи дяссахъес.

Тlашбизигу замана.
Някъла терхьа дикахъес,
Мазала масла дуки,
Гlянручl савли дурайхъес.

Дигулира вамсурли,
Бархlехъ хъули чарухъес.
Нешли дерцlиб чуднани,
Кьумур бицlили баргес.

Диги херкlличи укьес,
Мекъличи делхъли улхъес.
Гlямру сен гьалаклирав?
Дигхlейгив багьлабарес?!