Монь кудом

Сёксень ненастия,
Прыть тюжа лопат…
Кода тон монстемем,
Кудынем,эрсят?

Ней уш мон сырединь,
Савсь туемс васов,
Ансяк чистэ ванан
Пор пандонть ёнов.

Тосо монь велинем,
Тосо эйдем чачсть,
Тосо кудонь кирдесь
Монь семиям ванссь.

Ней монь кудом кельме,
Паряк, латось кольгссь…
Паз ава, марямак!
Мелем пекень мольсь.

Арсян, юты сёксесь,
Телень лов солы,
Одерьва тундынесь
Яла теке сы!!!

Туян эсень кудов,
Сонзэ шляса чоп,
Вечкема кудынем,
Монь эйсэ учок!

2009 год