М. Лермонтов. Одиночество

ТЕКВАЛ

Гьикьван кичIе, гьикьван я зур,
Ялгъузвиле уьмуьр авун.
Хвешивал гуз - вири гьазур:
Садаз кIандач гьич гъам паюн.

Тек яз саки, шагь цаварин
Азабар за рикIе дарна.
Акваз йисар, ахвар хьтин,
Физ, кьисметди тIарамарна.

Амма цIуру мурадар гваз,
Мад хквезва вахт, къизил хьиз.
Тек амай гур аквазва заз,
Вучиз чилел икI гуьзетиз?

Жедач зи дерт чIугвадайбур,
(Чалахъ я зун) я ашкара.
Эгь, кьиникай шадвалдайбур,
Зун хьунилай жеда пара…